Kanufahrt und Inseltripps

Vo guet einere Wuche hämer e ufregendi Kanufahrt ufemene Fluss und über zwei Seeli gmacht. Uf dä Fahrt hämer Naturpur dörfe erläbe, verwucherti Strücher, Bäum mit ihrne Wurzle, Libällä in schare, wunderschöni Seeroseteppiche und no vieles me. Uswichmanöver vo Stei und Baumstämm, wels sehr wenig Wasser gha hät a verschidene Stelle im Fluss, es isch uf jedefall e super spannendi Fahrt gsi.

In Kalmar simer im Museum vom Kriegsschiff Kronan gsi. Im 17. Jh. isch das Schiff under gange dur es Fehlmanöver, erst 300 Jahr spöter hät mer d'Frakteil und die verschidene Gägeständ agfange berge. Sie sind hüt no dra und wird 5-10 Jahr no a dure bis alles borge isch. Aschlüssend simer Städtli no go a luege und händ eus imene Spezialitätegschäft mit Kaffi, Käs und Salami i deckt.

Vo Kalmar simer dä nach Öland gfahre, das isch d'Insle vo dä Windmühlenä und sind det adä Ostküste däruf gfahre. Es super Plätzli hämer dä gfunde zum Übernachte, diräkt am Meer. Am nächste Tag simer richtig Norde gfahre zu dem bekannti Böde Strand.

 

Vo Byxelkrok simer mitem Schiff zrug ufs Festland nach Oskarhamn und vo det us mitere richtig, richtig grosse Fähre nach Gotland, d'Insle vo dä Chilene. Nacherä usgibige Besichtigung vo dä Altstadt in Visbi mit ihrne chline, charmante Gässli, Ruinä und em Botanischegarte, simer richtig Norde gfahre. Einisch me hämer es wunderschöns Plätzli zum Übernachte gfunde. Mir sitzed am Für, losed am Meerrusche zue und gnüssed d'ruhe.

Erste Woche in Schweden

 

Nach einer Woche Regen, durften wir jetzt  schon drei Sonnige Tage genießen. Die Überfahrt von Dänemark nach Schweden über die Weltbekannte Öresund Brücke war Lohnenswert. Die ganze Strecke beträgt 16Km, wovon die Brücke 8,5Km ist und vorher fährt man durch einen 3Km langen Tunnel unter dem Meer durch auf eine künstlich angelegte Insel. In Schweden ist alles ein bisschen billiger als noch in Dänemark.

Wir fühlen uns hier wie im Paradies, unsere erste Übernachtung in Schweden auf einem Hügel und die zweite Nacht  ca. 10m vom Meer entfernt,  absolut traumhaft. Auch mit dem Essen und schlemmen lassen wir es uns gut gehen. Vor dem Frühstück einen Spaziergang über saftige Wiesen und das Frühstück danach mittendrin. In einem nahgelegenen Fischer Hafen in Käseberga deckten wir uns mit geräucherten Fischen ein, die wir zum Nachtessen hatten, wow, super jami.  Direkt am Meer vor unserem geliebten Heim tranken Wir Flavios Wein und beglückten uns mit diesen Delikatessen.  Zurzeit sind noch fast keine Touristen hier, so haben wir eigentlich alles für uns. Leider ist das Meer noch nicht so warm, aber morgen nach dem joggen am Strand werden wird uns dies egal sein, Freude herrscht. Letzte Nacht verbrachten Wir an einem gemütlichen kleinen See etwa 150km unterhalb von Kalmar. Zum ersten mal benutzte ich meine Angelrute, jedoch ohne Erfolg, auch die geübten Fischer vor Ort hatten kein

Glück und gingen leer aus.

Velotour vo Naerum nach Helsingor 11.06.2012

Zum Glück isch da in Dänemark fast alles ebe, mer  händ ufem Zältplatz Velos gmietet wo grad mal drü gäng gha händ. Eusi Fahrt isch super spannend und interessant gsi, en Teil vo dere Strecki simer dur en Wald, am Meer entlang, dur es sehr richs Viertel mit schöne, verschidene Hüsli besser gseit Villas und wunderschöne Gärte, a Häfe simer au verbi cho…..  Wo mer in Helsingor a cho sind, isch eus grad als erst am Meer e Burg uf gfalle, dä hämer eus uf dä Wäg det hi gmacht. Dä hämer usfindgig gmacht das, dass „Kronenborg“ isch,  die Burg ghört zum UNESCO-Welterbe und frühener händ Däne und Schwede gägenand en Krieg gfühert. Vor dä Burg am Meer hämer es schöns Plätzli gfunde, händ’s eus gmüetlich gmacht und plötzlich chlöpfts, ich (Seraina) bi so verschocke, dass ich grad en satz gmacht han. Aschlüssend simer dä no dä Kern vo dem Städtli go erkundige. S’Zentrum isch Auto frei  und mit Dänefahne über eusne Köpf übersäht. Vieli verschideni Gschäfter häts gha und dä simer natürli a Delikatesseläde verbi cho, mir zwei händ nöd eifach chöne verbie gah, sondern händ eus das gnauer mösse alueg und feine Käs, Salami, Olive, Gmües und Brot krömlet. Ufem Rückwäg hämer  imene Vorort vo Helsingor amene Hafe e Mittagspause gmacht und öpis gässe. Es chlises Fischlädeli häts au no gha, dä hämer grad no Rotzugefilet für dä Znacht postet, bevor mer eus uf dä witeri Wäg gmacht händ zu eusem dä Hei.

Büslifahrt vo Billund nach Lundeborg 09.06.2012

Leider meint s’Wätter nöd so guet mit eus! :o( Hüt häts eigendli fast die ganz Ziit grägnet, grägnet und grägnet. Unterwägs hämer dä mal amene See a ghalte für e kurzi Pause. Dä hämer en Ussichtsturm a dem See endeckt und sind ganz gschwind die schön Ussicht go gnüsse. Mir händ no nie so viel Schwän uf eim Hufe gseh, eifach unglaublich. Dä Gsang vo dene vielne verschiedene Vögel und Änte  isch liebreizend und wunderschön zum zuelose gsi. Dä simer witer gfahre und es hät immer no grägnet…. Mal en Stop a dä Küste und  en kurze Spaziergang am Strand. Scho wieder isch’s witer gange. Ufem Zältplatz in Lunderborg hämer dä öpis köcherled und en gmüetliche läse Abig gmacht.

Legoland 08.06.2012

Lego Lego Lego, soweit das Auge reicht. Leider hatten wir am Morgen sehr schlechtes Wetter, es regnete  was das Zeugs hielt, aber von diesem sau Wetter liesen Wir uns nicht abhalten. Wir zogen unsere Regenmäntel  an und machten uns auf den Weg ins Lego Paradies. Als der Regen noch stärker wurde, kauften  Wir uns noch  eine lässige Lego  Pelerine und der Regen konnte uns nichts mehr anhaben,  ok, fast nichts mehr.  Nichts desto trotz hatten wir unseren Spaß und waren voll begeistert von all diesen Figuren, Landschaften und Szenarien. Die Züge, Autos, Schiffe, U-Boote, etc. standen nicht nur einfach da, nein alles war in Bewegung. Nach langem staunen und beobachten  stellten wir uns zu den Kids und checkten noch die Bahnen ab, nichts besonderes, aber trotzdem hatten wir unseren Spaß.  Zum Schluss wurde auch das Wetter freundlicher und wir schauten uns das Ganze noch ohne Regen an, hehe und dann kamen auch die Leute, aber wir hatten ja alles schon ausführlich  gesehen, sind doch alles Schönwetter Turis. 

Reis vo Dütschland nach Dänemark 07.06.2012

Leider macht s’Wätter nöd so mit, wie mir eus das wünsched, darum simer gmüetlich ufgstande und händ Brunched. Aschlüssend simer dä e rundi go Jogge a dä Küste entlang. Früsch tusched simer dä wieter gfahre dä Küste däruf bis Romo. Das isch e Insle wo mer über en Damm erreicht händ. Det chasch mitem Auto ufem Sand bis as Meer fahre. Ganz viel Dracheflüger häts gha, das a dä Küste sehr gwindet hät. Nachane simer wieter nach Billund,, wo mir eus ufemene sehr schöne Campingplatz nieder glah händ, s’Vorzält ufgstellt und öpis feins köcherled. So und jetzt hämer dä 23.00 Uhr, es isch immer nochli hell und mer hauets jetzt go pfuse.

Hamburg 06.06.2012

A dä St. Paulistrasse hämer dä inere Garage parkiert und sind am Hafe entlag gloffe richtig Spycherstadt. De Hafe isch eifach gigantisch und mir händ nur en chline Teil dävo gseh, es wür sich also mal lohne sich richtig Ziit z’nä Hamburg under d’Luppe z’nä. Spycherstadt isch sehr beiidruckend mit dene Backsteingebäudes! Dä simer no ines Spicy Gwürzmuesem, isch sehr spannend gsi, mit dene verschiedene Grüch, Gschichte, Herkunft vo dene Gwürz und die alte Maschine. Dä hämer langsam es Hüngerli übercho und sind im Biergarten am Hafe go es knusprigs Fischli ässe. Mit vollem Buch hämer eus uf dä Wäg zu eusem Büsli zrug gmacht und dä simer richtig Nordsee gfahre bis Husum und dä an Nordstrand ufen Campingplatz.

 



Reise nach Hamburg 05.06.2012

Mit dä Sunnebrülle uf dä Nase simer los gfahre richtig Lörrach, mir sind schnäller  dete gsi als mer dänkt händ. Dä hämer euses Büsli platziert, öpis ghaberet und e Rundi Uno gspielt bis mer dä händ chöne verlade. Mir sind imene Abteil mit eim vo Adelbode gsi und eine vo Lörrach, beidi Herre sind sehr gspröchig gsi und händ eus unterhalte bevor mer dä go pfuse sind. Mir händ erstundlich guet chöne schlafe und  bevor mer in Hmaburg-Altona acho sind hämer im Zug no en chline Zmorge becho. Mer händ nochli mösse warte bis euse Bus a cho isch und dä hämer  chöne i stiege und los fahre dur Fuessgängerzone, wo äxtra abgsperrt worde isch für die wo mitem Autozug agreist sind, so lustig. Und dä simer mal richtig Hamburg Citiy…

Fisch Probelektion ufem Fischergut Sulz 1. Juni 2012

Bevor mer dä in Norde ufe gönd go Gwässer unsicher mache, simmer eusi Fischkünst go teste. Es isch chli flutschig gsi, en schlag uf dä Kopf und es scharfs Mässer zum dä Fisch usnä und dä ab uf dä Grill. Ich glaubs mer händ d'Probelektion mit pravur bestande :o)

Abschieds Grillfästli bi eus im Garte

Mir bedanked eus bi all eusne Fründe für das super Grillfästli und möchtet eui uf dem Wäg, en schöne, warme Summer wünsche. Bis gli.